Tuuina mai se folasaga

Overview

Aotelega

O Tesema 2022 na faia ai se Auiliiliga Maualuga Lesona Aoga COVID-19.

Na faagasolo le vaega muamua o le Auiliiliga COVID-19 seia faagata i le aso 28 Novema 2024, na aofia ai manatu faaalia lautele i le amataga o le 2024. Ua faagasolo i le taimi nei le Vaega Lua o le Auiliiliga.  O le a vailiili i le Vaega Lua mataupu e le i lagaina i le Vaega Muamua, atoa ai ma le iloiloina o nisi o mataupu sa aofia i le Vaega Muamua, e pei o tulafono faamalosia ma vavao.

O le taulaiga autu o le Vaega Lua le toe iloilo o faaiuga autu na faia e le Malo o Niu Sila e tali atu ai i le COVID-19 i le 2021 ma le 2022. E patino lava le suesueina o faaiuga autu na faia e le Malo i tulaga nei:

• Tuipuipui, e aofia ai tulafono faamalosia, faatagana, ma le saogalemu.
• O vavao, aemaise vavao lata i le faaiuga o le 2021 ma le vaitaimi faaopoopo na faaumiumi ai vavao mo Auckland/Northland
• O siaki ma faiga faatekonolosi e tuliloaina ai tagata ua pesia, e pei o RATs ma le COVID-19 Tracer app, faapea faiga lautele tau soifua maloloina, e pei o ufi fofoga.

O lesona aoga na maua mai iloiloga o faaiuga autu e faavae i ai fautuaga e tuuina atu i le Malo i auala e mafai ai e Aotearoa Niu Sila ona tapenapena ma tali atu i isi faama‘i tele i le lalolagi.  Na o fautuaga e taulai i ai le Vaega Lua e fia tuuina atu i le Malo e tusa ma mataupu ua ta‘ua muamua.

Auala e mafai na e auai ai

E fia iloa aafiaga po o suiga i lou soifuaga ona o faaiuga autu ua ta‘ua i luga (e pei o le umi o vavao, siaki RAT na fai fua) faapena foi i lou aiga po o uo foi.   

Faailoa mai aafiaga o faaiuga nei na faia e le Malo i lau galuega po o lau pisinsi, mafutaga ma isi, faatasiga taua o le soifuaga, ola maloloina, po o aoaoga foi.

E mafai na tuuina mai se folasaga i luga o le initaneti e faaaoga ai le itulau faaopoopo, ‘Tuuina mai se folasaga‘ pito i lalo o le itulau.

E mafai foi, na tusi sa‘o se folasaga i le pusa ua faaavanoa atu, pe faapipii se Word document po o le PDF o faamauina ai lau folasaga tusitusia.  Na o le tasi le faamaumauga e mafai na tuuina mai.

A uma na tuuina mai lau folasaga, ona faasolo lea i fesili e patino ia te oe.  E le faamalosia lou faailoa mai o faamatalaga patino, peitai e le soona tapa fua.  E aoga faamatalaga e malamalama atili ai i ou manatu ma faamautinoa le maua o manatu eseese. O lona uiga foi e mafai na matou fesootai atu e tusa ma lau folasaga pe a moomia.

A tau iai se faaletonu i le faiga e faatumu ai faamatalaga i luga o le initaneti, faamolemole imeli mai i le InquiryintoCOVID-19lessons@dia.govt.nz po o le valaau mai i le 0800 500 306. Manatua e le o taimi uma e maua ai se tali telefoni mai le ofisa autu e malamalama i isi gagana e ese mai le Gagana Peretania.

Nisi faamatalaga

A moomia nisi faamatalaga e faatatau i le Auiliiliga po o le fia tuuina mai o se folasaga, faitau le aotelega faatulagana o aiaiga po o fesili masani.

Manatua foi na o le Gagana Peretania tusitusia o maua ai.

Faaaogaina o faamatalaga patino ia te oe

E tapuia tumau soo se faamatalaga e patino ia te oe e faailoa mai i le Auiliiliga, e pei o lou igoa ma faamatalaga e faafesootai atu ai.

E tapuia foi lau folasaga i le vaitaimi atoa o le Auiliiliga. O lona uiga na o le komisi o le Auiliiliga (e aofia ai i latou ua matou faafaigaluegaina e faatinoa galuega) e mafai na faitau i lau folasaga seia mae‘a le lipoti o le Auiliiliga.  E le gata o lou igoa ma faamatalaga e patino ia te oe, ae mafai foi na e faailoga le pusa e tapuia tumau ai faamatalaga atoa o lau folasaga.

O le uiga o le tapuia tumau e leai ma se tagata e mafai na faitau i lau folasaga se‘i vagana ai oe ma sui o le Auiliiliga. E mafai foi na e talosaga le tapuia tumau pe afai o aofia i lau folasaga faamatalaga e te le manao e iloa e se isi lava tagata, e pei o faamatalaga patino i lou soifua maloloina po o faamatalaga auiliili faatatau i lau pisinisi.  O le uiga tonu o le tapuia tumau, e leai ma se tagata e mafai na faailoa faalauaitele lau folasaga, e lavea ai ma oe.

E ono faaaoga i le Auiliiliga faamatalaga po o faaupuga tuusa‘o mai lau folasaga i le lipoti faaiu po o isi fesootaiga faapea oloa ua matou saunia. Matou te taofia le faailoa o faamatalaga e iloa ai lou tagata, e pei o igoa po o faamatalaga auiliili patino, a o le i faaaogaina se vaega o lau folasaga.

E tuuina atu folasaga uma i le Archives New Zealand, i le mae‘a ai o le Auiliiliga. O folasaga ua talia le tapuia tumau e lē mafai na faitau i ai le mamalu o le atunuu. Peitai, o folasaga e le i talosagaina le tapuia tumau, e mafai na faatalosagaina mai le Archives New Zealand, mo se faataitaiga, pe a fia maua e se tagata suesue po o se isi tagata o fia aiaina le Auiliiliga.

Faafetai

E silafia lelei e Komesina aafiaga tetele o le faama‘i tele i le lalolagi i tagatanuu Niu Sila, ma e laualuga pea lea manatu i le vaitaimi atoa o faagasolo ai le Auiliiliga.  E faafetaia le faasoa mai i le Auiliiliga o tulaga na e aafia ai.  E taua tele i la matou galuega le maua o manatu o tagata e pei o oe.

E tapunia le tuuina mai o folasaga i le vaeluapo o le Aso Sa 27 Aperila 2025.