Puka tono (Share your story - te reo Māori)

Overview

Te rongo i a koe

He mea nui kia rongo mātou i ngā whakaaro i te hunga pēnā i a koe. Mā te mārama ki ō wheako o te urutā KOWHEORI-19 e āwhina ki te whakarite i a Aotearoa mō ngā urutā i muri ake nei.

Ka taea e koe te tuku i ō wheako mā te whakamahi i tā mātou uiui tuihono, arā, ka uia ētahi pātai whānui e rua ki a koe:

Pātai 1: Ina tiro whakamuri – he aha ngā mea e hiahia ana koe kia mōhio te Tirohanga nei mō ō wheako o te urutā?

Pātai 2: Anga whakamua – he aha ngā akoranga mai i ō wheako hei ako mā mātou e rite ai mātou mō tētahi urutā?

E pai ana ki te whakautu koe i tētahi pātai kotahi anake ki te whakaaro koe kua kapi ō whakaaro katoa.

Hei wāhanga o tō whakautu i ngā pātai, kei a koe te tikanga o ngā kōrero ka homai e koe. Ki te aro ki te pātai tuatahi, ka hiahia pea koe ki te tuku i ō whakaaro me ō wheako o ngā tikanga hauora tūmatanui, pēnei i ngā rāhuitanga, te ture mau maruhā rānei, tae noa ki ngā pānga o te urutā ki a koutou ko tō whānau, pēnei i te kore moni. Mō te pātai tuarua, ka hiahia pea koe ki te aro ki ētahi mea e rua pea i wheakotia e koe, ā, he aha ngā mea hei ako mā mātou i aua wheako rā – ka hiahia rānei koe ki te whakamārama i ētahi āhuatanga whānui i pā ki a koutou ko tō whānau, tō hapori rānei i te wā o te urutā, ā, i runga i tēnei, me pēhea tā mātou whakarite pai ake mō te anamata.

Ngā taunakitanga whaitake ki a koe

I mua i tō tuku mai i ō wheako, ka hiahia pea koe ki te tirotiro ki ētahi rauemi pēnei i ā mātou tikanga ārahi, ki te angawā o te urutā me ā mātou pātai auau rānei. Ka whai hua pea ēnei ki te hiahia toro atu koe ki tētahi tū wā, āhuatanga rānei i wheakotia e koe i te wā o te urutā, ā, e whakaaro ana koe he pai kia mōhio mātou.

Kia mahara: kei roto i te reo Ingarihi anake ēnei rauemi. Ki te hiahia tuku mai koe i ō whakautu ki te reo Māori, ka whakamahia pea a Google Translate, ka whakapākehātia rānei ki te reo Ingarihi, e taea ai e mātou te arotake i āu whakautu. Ko ngā kōrero ka whakapākehātia e Google ka tau ki raro i te Kaupapahere Tūmataiti me ngā Tikanga Ratonga a Google, ka kitea ki konei. Tērā pea ka puritia e Google āu kōrero ka tukua e mātou kia whakapākehātia.

Ētahi atu kōrero ka tonoa e mātou, ā, me te āhua tiaki i aua kōrero

Kia oti tō tuku i tō tono, ka uia ētahi pātai ki a koe mō tō pakeke, tō wāhi noho me tō mātāwaka. Kei a koe te tikanga ki te tuku mai i ēnei kōrero, otirā ka āwhina ēnei kōrero i a mātou kia mārama pai ake ki te pānga o te urutā ki ngā tūmomo tāngata huhua.Ka tonoa hoki koe ki te tuku mai ō taipitopito whakapā. He mahi tūao te tuku mai i ō taipitopito whaiaro, engari ko te painga, ka taea e mātou te whakapā atu ki a koe ki te hiahia kōrero anō mātou.

Ka noho muna tonu ō mōhiohio whaiaro pēnei i tō ingoa me ō taipitopito whakapā. Ka tau ngā tono katoa ki raro i ngā whakahau tānga-kore taupua, ko te tikanga o tēnei, ka noho tapu tonu ngā kōrero wheako ka tukua mai e koe mō te KOWHEORI-19 hei te roanga o te Tirohanga. Ka taea hoki e koe te tono – kia oti i a koe te uiui – kia noho matatapu tonu tō tono e ngā Kaikōmihana. Ka kitea ētahi atu taipitopito o tā mātou tiaki i ngā mōhiohio ka tukua mai e koe ki tā mātou paetukutuku Tirohanga, e hono ana ki tēnei whārangi, i te taha o ngā mōhiohio mō ngā tukanga a te Tirohanga.

Te arotake i ngā tūtohu mahi

E ū ana Te Kāwanatanga o Aotearoa ki te whakawhānui i ngā tūtohu mahi a te Uiui Kōmihana Roera ki ngā Akoranga kua Ākona i te KOWHEORI-19.

Ko tā te Tūtohu mahi he whakatakoto i te kaupapa me te hōkaitanga o te Uiui me te whakatau i ngā mea ka tirohia pea e te Uiui, ā, ko ēhea ngā taunakitanga i kohia ka whai whakaarotia ki te pūrongo whakamutunga me ngā tūtohu mai i te Uiui.

Kua tono te Kāwanatanga ki te Kōmihana Roera ki te whakawhiti kōrero me te iwi tūmatanui mō ngā panoni ki te tūtohu mahi.

Ka taea e koe te pānui i ētahi atu kōrero mō te tūtohu mahi me te whakahoki kōrero ki te pokapū whakawhiti kōrero tūtohu mahi (www.covid19inquiry.nz).

Ngā mihi

Ki te anga whakamua, ko te huarahi anake e noho rite ai tātou mō te anamata, ko te ako mai i ngā wheako o mua o te urutā KOWHEORI-19. E tuwhera ana ngā tono ināianei, ā, ka kati hei te 24 o Māehe 2024, ā, ko te tikanga ka whakahoki kōrero mai te Tirohanga hei te 30 o Hepetema 2024. Kei te mōhio mātou he nui ngā pānga o te urutā ki ngā tāngata katoa o Aotearoa, ā, tērā hea he taumaha te tuku mai i ō wheako. Nā tērā, e mihi ana te Tirohanga ki a koe, mōu i whai wāhi ki te tuku mai i ō wheako ki a mātou – he take hira tēnei, ā, e mihi ana mātou.

Ka taea e koe te tīmata i tō tuku tono ināianei mā te pāwhiri i te hononga puka Tono i raro.

What happens next

Public submissions to the Royal Commission of Inquiry into COVID-19 Lessons Learned are now closed.

Thank you to everyone who has shared their story with the Inquiry. A vital part of the work of the Inquiry is hearing from Aotearoa New Zealanders about their experiences of the COVID-19 pandemic.

The submissions we have received will be considered alongside other interviews conducted and evidence received to form the Inquiry’s final report. 

You can keep up with the work of the Inquiry by subscribing to our newsletter, visiting our website, or following the Inquiry on social media (Facebook and LinkedIn).

The opportunity to provide feedback on the terms of reference has also ended. This feedback will be provided to the Department of Internal Affairs, who will provide advice to the New Zealand Government ahead of any changes made to the terms of reference for the Inquiry. We expect to know more about the next steps by June 2024.